Nuwe voorkoms vir Blaauwbergrandt

‘n Tekort aan ontwikkelingsgrond in Kaapstad se Blaauwbergrandt lei tot die sloping van ouer geboue om plek te maak vir nuwe handels- en wooneenhede.

Ricci Johannessen van die plaaslike Aida National Franchises-kantoor sê Blaauwbergrandt is goed gevestig en lok nou jong professionele kopers omdat dit maklike toegang tot Kaapstad se middestad bied.

“Dit het die neiging om ouer woonstelblokke en winkelsentrums te sloop en nuwe deeltitel woonstelblokke en ontwikkelings vir gemengde benutting op die persele op te rig, laat verskerp.”

Hy sê die jonger garde vind Blaauwbergrandt se wakker leefstyl aantreklik. “Die beroemde Bloubergstrand is binne loopafstand en die gebied is bekend vir aandvermaak, met verskeie restaurante en kuierkroeë.

“Die area bied ook ‘n pragtige uitsig oor Valsbaai met Tafelberg en Robbeneiland in die agtergrond.”

Pryse vir tweeslaapkamer eenhede begin nou by sowat R650 000 vir 54vkm woonstelle, terwyl pryse vir strandeenhede by sowat R1,2m begin.

Huispryse begin ook by sowat R1,2m, Johannessen sê egter dat huise gemiddeld teen sowat R1,7m geadverteer word terwyl die gemiddelde verkoopsprys R1,6m is. Woonstelle word teen gemiddeld R1,2m geadverteer maar verkoopspryse haal gemiddeld R1,15m, sê hy.

Aida hoofkantoor: 012 682 9600

Skakelpersoon: Jan Davel

Aida Milnerton: 021 551 5025

Skakelpersoon: Ricci Johannessen


Meg Wilson

Listen to article