Stellenbosch se eiendomsmark veelsydig

Daar is steeds sterk vraag na studenteverblyf in die universiteitsdorpie Stellenbosch maar die mark het vele fasette en eiendomsaankope word weens ‘n wye verskeidenheid ander redes gestut.

Renette Crous, hoofagent van die plaaslike Aida-franchise, sê: “Ouers wat woonstelle koop vir kinders wat aan die universiteit studeer verteenwoordig steeds ‘n gedugte deel van die mark maar daar is ook ‘n groot aantal akademici en die woonmark is baie gesofistikeerd.

“Onafhanklike beleggers in studenteverblyf is ook steeds bedrywig in die mark. Eenmanwoonstelle verkoop nou teen sowat R500 000 terwyl eenhede nader aan die kampus pryse van tussen R800 000 en R950 000 haal en twee-slaapkamer woonstelle van sowat 62vkm reg op die kampus vanaf sowat R1,46m verkoop.”

Crous sê daar is ook sterk vraag na nuutgeboude twee-slaapkamer huise in sekuriteitskomplekse soos Welgevonden, sowat 4km buite die dorp. Pryse vir dié eenhede begin by sowat R985 000 terwyl eenhede met drie slaapkamers gemiddeld net minder as R2m kos.

“En daar is baie sterk vraag na vrypaghuise teen minder as R2m. Huise teen dié pryse is uiters skaars in die meer gevestigde buurte, hoewel kopers ouer huise in Onder-Papegaaiberg teen sowat R1,7m mag raakloop. Daar is nou ruim voorraad in die prysklas van tussen R2.2m tot R3,8m.”

Terselfdertyd haal luukse eiendomme in Mostertdrift, Stellenbosch se oudste en mees gevestigde woonbuurt aan die oewers van die Eersterivier, pryse van tot R8,5m.

Crous sê eenhede in De Zalze Winelands-landgoed is gewild onder leefstylkopers. Pryse vir 379vkm erwe begin by R1,9m terwyl geboude eenhede se pryse tussen R4m en R8m wissel.

Aida hoofkantoor: 012 682 9600

Skakelpersoon: Jan Davel

Aida Stellenbosch: 021 883 8403

Skakelpersoon: Renette Crous

Meg Wilson

Listen to article